Ana Servet Esed

Sən güləndə bahardı ürəyimin havası!
Qonsa kədər üzünə durmaz gözümün yaşı!
Sən mənə yol göstərən yollarımın çırağı!
Nə gözəl bir duyğudur bu ana-bala bağı!
Dua kimi dilində hər zaman mənim adım!
Mənim də bu həyatıma bəs edər sənin adın!
Ana sənin nəfəsin evimizin duası!
Ana mehriban səsin dərdimizin çarası!
Sən mənim ürəyimsən gözlərimin qarası!
Sən mənim bütün dünyam sən Canımın yarısı!
Böyüsəm də Ay ana balaca balanam mən!
Otur saçınnan öpüm başına dolanım mən!
Sən mənimçün ay Anam ən dəyərli bir məqam!
Sənin sevginnən böyük bir dünya tanımıram!
Fədadı canım sənə hər oduna yanaram!
Varı mülkü neylərəm sənə qurban olaram.